Mańǵystaý oblysynyń Beineý aýylyndaǵy kóshelerdiń birine Alash qozǵalysynyń kósemi Álihan Bókeihanovtyń esimi berildi, dep habarlai "Ult aqparat".
Beineý aýdandyq ishki saiasat jáne tilderdi damytý bóliminiń basshysy Marat Bolysovtyń aitýynsha, oblystyq onomastika komissiiasy aýdan kóleminde eskirgen jáne qaitalama ataýlary bar kóshelerdi qaita ataý sheshimin qabyldady.
«Tarihi tulǵalardyń esimderimen kóshe ataýy jańarady. Osy oraida, Beineý jáne Aqjigit aýylyndaǵy kóshelerge jańa ataý berildi. Máselen, M. Hibas kóshesimen baǵyttas ornalasqan Mádi Begenov kóshesi endi Álihan Bókeihanov kóshesi bolyp belgilendi. Bul aqparattyń barlyǵy oblystyq onomastika komissiiasyna aldyn ala jiberilip, kóshe ataýyn ózgertýge ruqsat berildi», - dedi Marat Bolysov.
