Biyl Beibitshilik salasyndaǵy Nobel syilyǵy Birikken Ulttar Uiymynyń Dúniejúzilik azyq-túlik baǵdarlamasyna berildi.
Uiymǵa syilyq ashtyqpen kúresip, ashtyqty soǵys quraly retinde paidalanýǵa qarsy shyqqany úshin berilgen. 2019 jyly Dúniejúzilik azyq-túlik baǵdarlamasy álemniń 88 elinde 100 mln adamǵa kómek kórsetken.
Biyl Beibitshilik salasyndaǵy Nobel syilyǵyna shved ekobelsendisi 17 jastaǵy Greta Týnberg te usynylǵan. Onyń kandidatýrasyn Norvegiia parlamentiniń músheleri men shvetsiialyq eki depýtat usynǵan.
Syilyqqa usynylǵandar arasynda AQSh prezidenti Donald Tramp, Dúniejúzilik densaýlyq saqtaý uiymy, Jańa Zelandiia premer-ministri Djasinda Ardern, Belarýs oppozitsiiasynyń jetekshisi Svetlana Tihanovskaia, reseilik oppozitsiialyq saiasatker Aleksei Navalnyi, "Shekarasyz tilshiler" baspasóz qorǵaý uiymy bar.
Byltyr Beibitshilik salasyndaǵy Nobel syilyǵy Efiopiia premer-ministri Abii Ahmed Álige berilgen. 2018 jyly Ahmed premer-ministr bolyp sailanǵan soń Eriteriia biligimen kelisimge kelip, 20 jylǵa sozylǵan qaqtyǵysqa núkte qoiǵan.
Syiaqy kólemi 10 million shved kronyn (1 million dollardan astam) quraidy. Syilyqty tabystaý rásimi 10 jeltoqsanda - Alfred Nobel dúnieden ótken kúni ótedi.
Esterińizge sala keteiik, 014 jyly Nobel syilyǵynyń eń jas iegeri pákistandyq mektep oqýshysy Malala Iýsýfzai bolǵan edi. Ol marapat alǵan sátte ol 17 jasta bolatyn.
1901 jyldan bastap Nobel syilyǵy 100 ret berildi.
