Foto: QR IIM
ShQO-da jeti balasyna aliment tólemegen áiel jaýapqa tartyldy, dep habarlaidy Polisia.kz.
2025 jylǵy 10 sáýirde zańdy kúshine engen Shyǵys Qazaqstan oblysynyń kámeletke tolmaǵandardyń isteri jónindegi mamandandyrylǵan aýdanaralyq sotynyń úkimine sáikes, áiel adam Qazaqstan Respýblikasy Qylmystyq kodeksiniń 139-baby – "Balalardy kútip-baǵýǵa arnalǵan qarajatty tóleý jónindegi mindetterdi oryndamaý" boiynsha kináli dep tanyldy.
Sot oǵan bir jyl merzimge bostandyǵyn shekteý jazasyn taǵaiyndady.
Jinalǵan bereshek somasy shamamen 10 million teńgeni qurady. Bul qarajat jeti kámeletke tolmaǵan balany asyraýǵa arnalǵan bolatyn.
