79 jasyna qaraǵan shaǵynda belgili ǵalym, himiia ǵylymdarynyń doktory, professor, QR Ulttyq ǵylym akademiiasynyń akademigi, Qazaqstanǵa eńbegi sińgen ǵylym qairatkeri Edil Erǵojin dúnieden ozdy, dep habarlaidy "Ult aqparat".
Qaraly habardy QR Ulttyq ǵylym akademiiasynda rastady.
Edil Erǵojauly Erǵojin 1941 jyly 7 qarashada Almaty oblysy, Ekpindi aýylynda dúniege kelgen.
1963 jyly1963 jyly QazMÝ-diń himiia fakýltetin úzdik belgimen bitirgen. 1980-1988 jj. – kafedra meńgerýshisi, 1980-1983 jj. – himiia fakýltetiniń dekany, 1983-1986 jj. – birinshi prorektor. 1986-1988 jj. – S.M.Kirov atyndaǵy Qazaq memlekettik ýniversitetiniń rektory.
Dúniejúzine aty shyqqan Qazaqstandaǵy himiia boiynsha iondyq almasý men membrandy tehnologiialary mektebiniń negizin qalaýshy jáne 1976 jyly Qazaqstannyń qurmetti Altyn kitabyna engen.
Ulttyq ǵylym akademiiasynyń (1989), Niý-Iork ǵylym akademiiasynyń akademigi (1994), Qazaqstan Respýblikasynyń ǵylym qairatkeri (1984), Memlekettik syilyqtyń laýreaty (1982) retinde kópshilikke tanymal tulǵa.
Ár jyldary molekýlalyq himiia men ion almasý salasyndaǵy halyqaralyq simpoziýmdarda ǵylymi baiandamalar jasaǵan. Himiia jáne himiia tehnologiiasy salasyndaǵy birlesken ǵylymi zertteýler boiynsha halyqaralyq kelissezderge qatysqan.
Almaty oblysy jáne Eskeldi aýdanynyń qurmetti azamaty.
