Koronavirýs indetin vaktsina alý arqyly toqtatýǵa bolady. Bul týraly onlain brifing kezinde Almaty qalasy sanitarlyq-epidemiologiialyq baqylaý departamentiniń basshysy Jandarbek Bekshin aitty, dep habarlaidy "Ult aqparat".
Jandarbek Bekshin Almaty «sary» aimaqta bolǵanymen epidemiologiialyq ahýal áli de kúrdeli ekenin jetkizdi. Dese de, virýs juqtyrý tómendedi.
«Qalada virýs juqtyrýdyń tómendeý sebebi jappai vaktsina saldyrý boldy. Qalada qazir 316 myńnan astam adam koronavirýske qarsy ekpe aldy. Bul qala turǵyndarynyń 16%-y, qalǵan 5 paiyzy aýyryp shyqqandar. Jalpy qoǵamdyq immýnitettiń qalyptasýy 21%-dan asty. Osynyń áserinen qalada viýrstyń taralýy tómendedi. Ekinshiden, jiti júrgizilgen shekteý sharalarynyń paidasy tidi. Sondai-aq qala ishindegi qaýipti oshaqtardyń barlyǵyn zalasyzdandyryp otyrdyq»,- dedi ol.
Sonymen qatar, Bekshin qala turǵyndaryn vaktsina alýǵa shaqyrdy, óitkeni bul protsess ujymdyq immýnitetti qalyptastyrý úshin mańyzdy.
«Bul ózińe, jaqyndaryńa degen jaýapkershilik. Árkimniń ekpe alýy mańyzdy. Birqatar adamdar aýrýǵa tózbeidi, olardyń densaýlyǵy. saqtaý bizge bailanysty», - dedi ol.
Eske salaiyq, Almatyda meditsinalyq uiymdarda, mektepterde, mádeniet, sport obektilerinde, bazarlar men qalanyń SOSO-da 211 vaktsina pýnkti jumys isteidi (250-ge deiin ulǵaitý múmkindigimen). 1 257 adamnan turatyn 304 egý brigadasy bar.
