Almatydaǵy epidemiologiialyq jaǵdaidyń kúrdelenýine bailanysty qalanyń bas sanitarlyq dárigeri Jandarbek Bekshin Qurban ait merekesi kezinde buqaralyq sharalarǵa qatyspaýǵa shaqyrdy, dep habarlaidy QazAqparat.
Onyń aitýynsha, shekteý sharalarynyń barlyǵy koronavirýstyń taralýyn boldyrmaý úshin jasalyp jatyr.
«Almaty turǵyndarynan karantin sharalaryna túsinistikpen qaraýdy suramyn, óitkeni megapolistegi jańa «delta» shtamy qaýip tóndiredi. Talaptardy elemeý virýs juqtyrǵandardyń kóbeiýine ákelýi múmkin»,- deidi ol.
Sonymen qatar, ol almatylyqtar koronavirýs infektsiiasyn qai jerde jii juqtyratynyn aitty.
«Ótken aptamen aldyńǵy kezdi salystyrǵanda, otbasylarda KVI juqtyrý deńgeii 9%-ǵa, týystarymen, kórshilerimen, dostarymen bailanys kezinde 0,2%-ǵa tómendedi. Bul otbasylarda vaktsinalanǵan múshelerdiń aitarlyqtai ósýi. Bul rette saýda nysandarynda juqtyrýdyń 31%-dyq joǵary deńgeii baiqalady. Ótken aptada 0,5%-ǵa ósýmen, sýper-gipermarketterde 2,2%-ǵa jáne oramishilik azyq-túlik dúkenderinde 1%-ǵa jáne azyq-túlik emes dúkenderde 0,5%-y qurady. Ashanalarda juqtyrý 0,4%-ǵa, monsha men saýnalarda 0,9%-ǵa, Ashyk jobasyna qatysýshy nysandarynda 0,5%- ǵa jáne qala mańy aimaǵyna barý kezinde 0,2%-ǵa artqany baiqalady», – dedi Jandarbek Bekshin.
