Almatyda balalar men qarttar arasynda juǵý deregi kóbeidi. Bul týraly Óńirlik kommýnikatsiialar qyzmetiniń alańynda ótken brifingte Almaty qalasynyń bas sanitarlyq dárigeri Jandarbek Bekshin málim etti, dep habarlaidy "Ult aqparat".
Qazaqstanda epidahýaldy baqylap otyratyn ASHYQ qosymshasy tek kámeletke tolǵandar úshin ǵana qoljetimdi.
Brifing barysynda BAQ ókilderi Reseide balalar qoǵamdyq oryndarǵa barmas buryn tekserýden ótýine qatysty is-sharalar qabyldanǵanyn aitty.
Bizde balalarǵa qatysty mundai sharalar qabyldanýy múmkin be degen suraqqa Almatynyń bas sanitarlyq dárigeri bylai dep jaýap berdi:
«Bizde bul másele áli qarastyrylǵan joq. Mysaly, 5 jasqa deiingi balalarǵa maska kiiý rejimi engizilgen joq. Buryn indet týraly balalarǵa qatysty sóz az qozǵaldy. Qazirgi jaǵdaidy qarasaq, bir apta ishinde 14 jasqa deiingi balalar arasynda aýrýdyń taralýy 4%-ǵa artqan. Al 60 jastan asqandardyń arasynda 6%-ǵa kóbeigen. Bul jańa paida bolǵan shtamnyń qanshalyqty patogendi ekendigin kórsetip otyr», - dedi Jandarbek Bekshin.
Sondai-aq, bas sanitarlyq dárigerdiń aitýynsha, balalardyń aýrýǵa shaldyǵýy kóbeise, bul derekter ASHYQ qosymshasyna engizilýi múmkin.
