Koronavirýs infektsiiasynyń órshýine bailanysty Almaty «qyzyl» aimaqta. Osyǵan orai Qurban ait merekesine arnalǵan barlyq is-shara onlain formatta ótedi. Bul týraly brifing barysynda qalalyq sanitarlyq-epidemiologiialyq baqylaý departamentiniń basshysy Jandarbek Bekshin málim etti, dep habarlaidy "Ult aqparat".
Onyń aitýynsha, Almatyda sanitarlyq-epidemiologiialyq jaǵdai kúrdeli. Naýqastar sanynyń ósýine mýtatsiialanǵan «delta» shtamy áser etýde.
«15 shildede koronavirýs infektsiiasynyń 885 jaǵdaiy tirkeldi. Onyń 780-i simptomsyz jáne 105-i simptomdy. Infektsiialyq statsionarlarda 2 292 adam, onyń ishinde 181 bala jatyr. Reanimatsiia jáne qarqyndy terapiia bólimshelerinde 132 naýqas bar. Sondai-aq 27 – ÓJJ, 39 - invazivti emes ÓJJ, 61 High flow apparaty qosylǵan.
Búginde úide BMSK jáne telemeditsina ortalyǵynyń mobildi brigadalarynyń baqylaýynda 4 326 naýqas bar, simptomdy jeńil jáne ortasha dárejesi bar - 3958, al simptomsyz – 368 adam bar», - Jandarbek Bekshin.
Sonymen qatar, ol Qurban ait merekesi biyl onlain formatta ótetinin jetkizdi.
«Qalada koronavirýs infektsiiasynyń kúrt órshýine bailanysty adam kóp jinalatyn is-sharalardy, onyń ishinde uiymdarda, sondai-aq jeke menshik úi men medreselerde ait namazyn ótkizýge tyiym salynady», – dedi Jandarbek Bekshin.
Eske salsaq, Bas memlekettik sanitarlyq dárigerdiń qaýlysyna sáikes, Almaty aýmaǵynda 19-y men 22 shilde aralyǵynda mal soiý tsehy men bazarlardyń jumys isteýine tyiym salynǵan.
