Memlekettik komissiia Halyqaralyq ǵarysh stansasyna «Naýka» jańa zerthanalyq modýlin ushyrý merzimin belgiledi, dep habarlaidy "Ult aqparat".
Baiqońyr ǵarysh ailaǵynyń № 200 ushyrý alańynan bortynda «Naýka» modýli bar «Proton-M» zymyran-tasyǵyshynyń starty 2021 jylǵy 21 shildede, jergilikti ýaqyt boiynsha saǵat 17:58-ge (Nur-Sultan ýaqytymen saǵat 20:58:21) belgilengen. Ushyrýdyń sondai-aq rezerv ýaqyty da ataldy – bul 22 jáne 23 shilde.
Bastapqyda ushyrý 15 shildege belgilengen, alaida ushar basyndaǵy jumystardan keiin «Naýka» modýli montajdaý-synaý korpýsyna qaitarylyp, ushyrý bir aptaǵa keiin qaldyryldy.
Reseilik BAQ aqparatynsha, mamandar qurastyrý kezinde juldyz sensorlaryn ekran-vakýýmdy jylý oqshaýlaǵyshpen jabýdy umytyp ketken.
Buǵan deiin anyqtalǵan eskertýler joiyldy. Qazirgi kezde ǵaryshtyq bas bólik otyn quiý-beitaraptandyrý stansasynda ornalasqan – bul ushyrýdyń sońǵy kezeńiniń eń mańyzdy bóligi. delingen Roskosmos taratqan baspasóz relizinde.
«Naýka» modýliniń HǴS-qa ushýy 8 táýlikke sozylady, «Zvezda» qyzmettik modýline qosylýy 29 shildege belgilengen.
«Naýka» zerthanalyq modýlin paidalaný bergennen soń HǴS-tyń reseilik segmenti qosymsha jumys orny men júk saqtaý, sý men ottegini regeneratsiialaityn apparatýra ornalasatyn oryndy ielenedi. Iaǵni ǵaryshkerlerdiń jaǵdaiy jaqsaryp, jaily bolady, sondai-aq HǴS barlyq ekipajynyń qaýipsizdigi kúsheiedi.
