Baianaýyl aýdanynda eki jasar bala traktordan qulap, kóz jumdy. Politsiia tekserý júrgizip jatyr, dep habarlaidy Pavlodarnews.kz saity.
Oblystyq politsiia departamenti baspasóz qyzmetiniń málimetinshe, 7 shilde kúni saǵat 15:30-da Baianaýyl aýdany Qarajar aýylynda úidiń aýlasynda 2019 jyly týǵan bala «MTZ-82» traktorynyń salonynan jerge qulap túsken.
- Sábi aýrýhanaǵa jatqyzyldy. Ókinishke orai, alǵan jaraqatynan esin jimastan kóz jumdy. Kámeletke tolmaǵan balalardy birneshe sekýndqa da qaraýsyz qaldyrmańyz. Balaǵa bir jerge kóterilýge nemese júgirýge 10-20 sekýnd jetkilikti. Ásirese kishkentai balalardy nazardan tys qaldyrmańyzdar, - delingen habarlamada.
Tekserý júrgizilip, saraptama taǵaiyndaldy.
