Qapshaǵai qalalyq soty Baqytbek Esentaevtyń shartty túrde merziminen buryn bosatý týraly ótinishin qanaǵattandyrdy, dep habarlaidy Sputnik Qazaqstan.
Otyrysta prokýror, isti bolǵan Esentaev jáne onyń advokaty ótinishti qoldaýdy surady.
Habarlamada aitylǵandai, jábirlenýshi burynǵy kúieýin shartty túrde merziminen buryn bosatýǵa kelisken.
"Jábirlenýshi Baian Alagózova men onyń ókili Esentaevty merziminen buryn shartty túrde bosatýǵa kelisti. Esentaev jazasynyń jartysyn ótegen, iaǵni 6 jyl 1 ai 2 kún. Minez-qulqy úshinshi oń dárejede. Jasalǵan qylmystyń qoǵamǵa qaýpin túsingen jáne jasaǵan isine ókinedi", - dep habarlady Almaty oblystyq sotynda.
Sot úkimi boiynsha 756 269 teńge somasyndaǵy protsessýaldyq shyǵyndar erikti túrde óteldi.
Sot qaýlysy zańdy kúshine engen joq.
Eske salaiyq, 2016 jyly 10 maýsymda belgili prodiýser, eki balanyń anasy Baian Maqsatqyzy birneshe jerden pyshaqtalyp, aýyr jaraqatpen Talǵar aýdanyndaǵy aýrýhanaǵa túsken bolatyn. Ony óltirmek boldy degen kúdikpen joldasy Baqytbek Esentaev ustalyp, qamaýǵa alyndy.
