Alkhaleejtoday.co saity BAÁ chempionatyndaǵy eń qymbat 25 fýtbolshynyń tizimin usyndy. Tizimde Qazaqstan quramasynyń jartylai qorǵaýshysy Baýyrjan Islamhan bar, - dep habarlaidy Sports.kz.
Basylymnyń málimeti boiynsha, Islamhan 9-oryndy óziniń «Al-Ainadaǵy» áriptesi Kodjo Laboimen, sondai-aq «Shardjidiń» jartylai qorǵaýshysy Lýkas Kaiomen birge bólisken.
Atalǵan fýtbolshylardyń transferlik baǵasy – 2,4 mln eýro. Reitingte birinshi orynda transferlik baǵasy 4,8 mln eýro bolatyn «Shardjidiń» braziliialyq oiynshysy Igor Koronado tur.
Eske sala keteiik, 31 qańtarda Islamhan «Al-Ain» klýbyna ótken bolatyn. Onyń kelisimsharty 2020 jyldyń 30 maýsymyna deiin jaramdy. Qazaqstandyq jartylai qorǵaýshy 10 match ótkizip, 1 gol soǵyp, 3 nátijeli pas berdi. 19 matchtan keiin «Al-Ain» BAÁ chempionatynda ekinshi orynda tur.
