Foto: ashyq derekkóz
Qazaqstan Respýblikasy Prezidentiniń jarlyǵymen Baýyrjan Ábjanov Qazaqstan Respýblikasy Ulttyq qorǵanys ýniversitetiniń bastyǵy qyzmetine taǵaiyndaldy. Bul týraly Aqordanyń baspasóz qyzmeti habarlady.
Taǵaiyndaý qorǵanys salasyndaǵy kadrlyq ózgerister aiasynda júzege asyryldy.
– Memleket basshysynyń ókimimen Baýyrjan Sadyquly Ábjanov Qazaqstan Respýblikasy Ulttyq qorǵanys ýniversitetiniń bastyǵy laýazymyna taǵaiyndaldy, - delingen habarlamada.
Baýyrjan Ábjanov 1968 jyly 10 sáýirde Aqmola oblysynda dúniege kelgen.
1990 jyldan bastap Qazaqstannyń ishki áskerleri men Ulttyq ulan sapynda qyzmet atqardy, vzvod komandirinen bastap basshylyq laýazymdarǵa deiin kóterildi. «Shyǵys» óńirlik qolbasshylyǵyn jáne Petropavldaǵy Ulttyq ulan akademiiasyn basqardy.
Bul taǵaiyndaýǵa deiin ol QR Ulttyq ulany Bas qolbasshysynyń orynbasary laýazymyn atqardy.
General-maior ataǵyn ielengen.
