Batys Qazaqstan oblysynda júk kóligi aýdarylyp qaldy, dep habarlaidy "Ult aqparat".
BQO politsiia departamenti baspasóz qyzmetinen túsken málimetke qaraǵanda, oqiǵa 28 maýsym kúni shamamen saǵat 16.40-ta Samara-Shymkent jolynyń 215-shaqyrymynda Báiterek aýdany aýmaǵynda boldy.
Túrkistan oblysyna bara jatqan 26 jastaǵy júrgizýshi Mersedens-Benz Actros júk kóliginiń rýline ie bola almai, aýdarylýyna jol bergen.
Jol-kólik oqiǵasynan eshkim zardap shekken joq.
Júrgizýshi aiyq bolǵan. Oǵan qatysty QR Ákimshilik quqyq buzýshylyq týraly kodeksiniń 610-baby 1-bóligine sáikes hattama toltyryldy.
Qazirgi kezde oqiǵanyń jai-japsary anyqtalý ústinde.
