Batys Qazaqstan oblysynda sońǵy aptada aldyńǵymen salystyrǵanda, koronavirýs juqtyrǵandar sany 7,7 paiyzǵa (47 naýqasqa) tómendedi, dep habarlaidy "Ult aqparat".
BQO densaýlyq saqtaý basqarmasy málim etkenindei, sońǵy táýlikte 97 adamnan indet tabylyp, 108 naýqas jazylyp shyqty.
Jyl basynan beri 13985 adamnan koronavirýs anyqtalsa, sonyń 55,8 paiyzy (7812) Oral qalasy, 14,2 paiyzy (1999) Báiterek, 11,1 paiyzy (1563) Bórli aýdanynyń úlesine tiedi.
Basqarma málimetine qaraǵanda, qazirgi kezde 1123 tósektik 18 infektsiialyq statsionar 35 paiyzǵa tolǵan. Olarda 394 naýqas, sonyń ishinde 29-y jansaqtaý bóliminde emdelýde.
Jalpy, emdelýshiler sany azaiyp otyrǵan joq.
Naýqastardyń 333-i nemese basym kópshiligi Oral qalasyndaǵy 600 tósektik 5 aýrýhanada em qabyldap jatyr.
Oblysta koronavirýsty anyqtaityn 13 zerthana bolsa, sońǵy táýlikte 3112 zertteý júrgizildi.
Indet bastalǵannan beri óńirde tirkelgen 23206 naýqastyń 18262-si jazylyp shyqty. 347-si kóz jumdy.
«Batys Qazaqstanda turǵyndardy vaktsinatsiialaý jumystary jalǵasýda. Osy kezge deiin 73462 adam vaktsinanyń birinshi, 35176-sy ekinshi komponentimen egildi», dep habarlady vedomstvodan.
