Batys Qazaqstan oblysynda mas kúiinde sýǵa túsken eki adam batyp ketti, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, birinshi oqiǵa 13 maýsym kúni keshkisin Báiterek aýdany Trekin aýyldyq okrýgi Jaiyq eldi mekeninde boldy.
«Saia» demalys ornynda 33 jastaǵy áiel sýǵa túsip, batyp ketken.
Kýálardyń sózine qaraǵanda, otbasymen, dostarymen serýendegen ol mas kúiinde bolǵan. Áieldiń denesi qutqarýshylar kelgenshe, saǵat 19.45-te sýdan shyǵarylǵan.
Taǵy bir oqiǵa Oral qalasynda boldy. 14 maýsym kúni saǵat 00.07-de 28 jastaǵy jigit shomylýǵa jabdyqtalmaǵan jerden sýǵa túsip, batyp ketken. Ol da tanystarymen birge araq ishken.
Marqumnyń denesin jedel qutqarý jasaǵynyń izdeý toby saǵat 02.25-te sýdan alyp shyqty.
Osymen Batys Qazaqstanda biyl 12 adam sýǵa ketse, sonyń úsheýi – balalar.
BQO TJ departamenti sýda qaýipsizdik erejesin umytpaý kerektigin turǵyndar esine salady.
