Batys Qazaqstan oblysynda koronavirýs juqtyrǵandardyń 55 paiyzdan astamy Oral qalasynda tirkelip otyr, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkenindei, jyl basynan beri óńirde 14373 adamnan indet tabyldy.
Aýyrǵandardyń 55,7 paiyzy (8008) Oral qalasynda, 14,3 paiyzy (2063) Báiterek, 11,1 paiyzy (1603) Bórli aýdanynda anyqtalǵan.
Sońǵy aptada aldyńǵymen salystyrǵanda, aýrý juqtyrý kórsetkishi 7,7 paiyzǵa (44 naýqasqa) tómendedi.
Basqarma málimetine qaraǵanda, oblysta 1123 tósektik 18 infektsiialyq statsionarda 416 naýqas emdelýde. Sonyń ishinde Oral qalasynda 600 tósektik 5 aýrýhanada 356 adam jatyr. 30 naýqas jansaqtaý bóliminde.
Óńirde 77486 adam koronavirýsqa qarsy vaktsinanyń birinshi, 36395-i ekinshi komponentin saldyrdy.
