Batys Qazaqstan oblysynda sońǵy aptada aldyńǵymen salystyrǵanda, koronavirýs juqtyrǵandar sany 8,8 paiyzǵa (58 adamǵa) azaidy, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkendei, sońǵy táýlikte 56 naýqas anyqtalyp, 112 adam jazylyp shyqty.
Jyl basynan beri 13337 adam syrqattansa, sonyń 56,2 paiyzy (7508) Oral qalasynda, 13,7 paiyzy (1838) Báiterek, 11,2 paiyzy (1496) Bórli aýdanynda tirkelgen.
Óńirde barlyǵy 1123 tósektik 18 infektsiialyq statsionarda 362 naýqas (32-si jansaqtaý bóliminde) em qabyldaýda. Sonyń ishinde Oral qalasynda 600 tósektik 5 aýrýhanada 285 adam jatyr.
Oblys boiynsha 1444 (679-y infektsiialyq, 765-i karantindik) tósek-oryn rezerv retinde ázirlendi.
Basqarma málimetine qaraǵanda, turaqtandyrý qoryn tolyqtyrýǵa dári-dármek alý úshin 422 mln teńge bólinse, sonyń 217 mln teńgesine kelisimshartqa qol qoiylǵan.
Koronavirýstyń bar-joǵyn anyqtaityn 13 zerthana bolsa, sońǵy táýlikte 3144 zertteý júrgizildi.
Indet bastalǵannan beri Batys Qazaqstanda 22558 naýqas tirkelip, sonyń 17681-i jazylyp shyqty. 338 adam kóz jumdy.
Kúni búginge deiin 68458 adam vaktsinanyń birinshi, 31696-sy ekinshi komponentimen koronavirýsqa qarsy egildi.
