BQO bas memlekettik sanitar dárigeri Muhamǵali Aryspaevtyń 31 mamyrdaǵy jańa qaýlysy shyqty, dep habarlaidy "Ult aqparat".
BQO sanitarlyq-epidemiologiialyq baqylaý departamentiniń baspasóz qyzmeti málim etkenindei, qaýly 2 maýsymnan bastap kúshine enedi.
Oblystyń sary aimaqqa kirýine bailanysty shekteý sharalary jeńildetildi.
Atap aitqanda, buǵan deiin memlekettik organdar men kvazimemlekettik sektor uiymdary qyzmetkerleriniń keminde 80, jeke kásipkerliktegilerdiń 50 paiyzy qashyqtan jumystan jasap kelgen edi. Endi 2 maýsymnan bastap memlekettik organdar men kvazimemlekettik sektor uiymdarynyń keminde 50 paiyzy jumysyn qashyqtan atqarady.
Sonymen qatar memlekettik organdar, uiymdar, ofister qyzmetkerlerge COVID-19-ǵa qarsy vaktsinatsiialaý júrgizilgen jaǵdaida qashyqtan jáne shtattyq formatta jumys isteitin qyzmetkerlerdiń paiyzdyq araqatynasy jónindegi talaptardy eskermei qyzmetin uiymdastyra alady. Osy oraida ekpeniń tolyq kýrsynan ótken jáne sońǵy alty aida koronavirýspen aýyryp, emdelip shyqqan barlyq qyzmetkerler shtattyq rejimde jumys istei alady.
Alaida jinalys, keńester, seminar, konferentsiialar selektorlyq rejimde jáne beinebailanys arqyly ótkiziledi.
Basqa da karantindik talaptar saqtalady.
