Batys Qazaqstan oblysynda infektsiialyq statsionarda jatqandar sany kóbeiip ketip otyr, dep habarlaidy "Ult aqparat".
BQO densaýlyq saqtaý basqarmasy málim etkenindei, keshe 1123 tósektik 18 infektsiialyq aýrýhanada 405 naýqas jatsa, búgin olardyń sany 439-ǵa jetti.
Sonyń basym kópshiligi (353-i) Oral qalasyndaǵy 600 tósektik 5 statsionarda em qabyldap jatyr. 28 naýqas jansaqtaý bóliminde emdelýde.
Keshe koronavirýstan qaitqandar 350 bolsa, búgin olardyń sany 352-ge jetti.
Basqarma málimetine qaraǵanda, sońǵy aptada aldyńǵymen salystyrǵanda, indet juqtyrǵandar 7,8 paiyzǵa (47 naýqasqa) tómendedi.
Jyl basynan beri 14160 adam tirkelse, sonyń 55,7 paiyzy (7895) Oral qalasy, 14,3 paiyzy (2026) Báiterek, 11,1 paiyzy (1581) Bórli aýdanynyń úlesine tiedi.
Indet bastalǵannan beri óńirde aýyrǵan 23381 naýqastyń 18481-i jazylyp shyqty.
Sońǵy táýlikte 86 adamnan kovid tabylsa, 115 naýqas emdelip shyqty.
Oblys boiynsha 75625 adam koronavirýsqa qarsy vaktsinanyń birinshi, 35843-i ekinshi komponentin qabyldady.
«Óńirde infektsiialyq aýrýhanalarǵa túsken naýqastardyń kóbeiýi alańdatady. Sondyqtan turǵyndarǵa karantin talaptaryn saqtaýdy umytýǵa bolmaidy. Sonymen qatar indetke tosqaýyl qoiý úshin ekpe alý qajet», dep habarlady vedomstvodan.
