Batys Qazaqstan oblysynda Ekinshi dúniejúzilik soǵys kezinen qalǵan snariad tabyldy, dep habarlaidy "Ult aqparat".
BQO politsiia departamenti baspasóz qyzmetinen túsken málimetke qaraǵanda, oqiǵa 24 mamyr kúni saǵat 16.30-da Bókei ordasy aýdany ortalyǵy Saiqyn aýylynda boldy.
Aýyl shetinde jer qazyp jatqan turǵyn tattanyp ketken snariad taýyp alǵan. Onyń uzyndyǵy 100 sm, diametri 15 sm.
Snariadty Oral qalasynan arnaiy barǵan saperlar zalalsyzdandyratyn bolady.
Ekinshi dúniejúzilik soǵys kezinde Batys Qazaqstannyń Orda (qazirgi Bókei ordasy), Jánibek aýdandary Stalingrad maidanyna tiip turǵandyqtan, soǵys jaǵdaiynda dep jariialanyp, talai ret bomba túsip, snariad jarylǵan bolatyn.
