Batys Qazaqstan oblysynda avtokólik mototsikl mingen jasóspirimdi qaǵyp ketti, dep habarlaidy "Ult aqparat".
BQO politsiia departamenti baspasóz qyzmetinen túsken málimetke qaraǵanda, oqiǵa 8 shilde kúni Shyńǵyrlaý aýdany Aqshat aýylynda boldy.
Saǵat 12.30-da 65 jastaǵy júrgizýshi «VAZ-2107» avtokóligimen 16 jasar jasóspirim aidap kele jatqan mototsiklmen soqtyǵysýǵa jol bergen.
Jol apaty saldarynan jasóspirim Syrym aýdandyq ortalyq aýrýhanasynyń hirýrgiialyq bólimshesine jatqyzyldy.
Atalǵan derek boiynsha QR QK 345-baby 1-bóligine sáikes sotqa deiingi tergeý amaldary júrgizilýde.
Oblystyq densaýlyq saqtaý basqarmasynyń baspasóz hatshysy Ainagúl Saqposynovanyń naqtylaýynsha, jasóspirim sanaviatsiiamen oblystyq kópbeiindi balalar aýrýhanaǵa jetkizilgen. Jaǵdaiy aýyr, jansaqtaý bóliminde jatyr.
Eki jilinshigi synǵan jasóspirimge birneshe saǵatqa sozylǵan ota jasaldy.
