Batys Qazaqstan oblysynda 1123 tósektik 18 infektsiialyq statsionarda koronavirýs juqtyrǵan 395 adam emdelip jatyr, dep habarlaidy "Ult aqparat".
BQO densaýlyq saqtaý basqarmasy málim etkenindei, sonyń ishinde Oral qalasynda 600 tósektik 5 statsionarda 321 naýqas em qabyldaýda.
Basqarma málimetine qaraǵanda, indet bastalǵannan beri 23070 adam tirkelip, sonyń 18 myńy jazylyp shyqty. 343-i ómirden ótti.
Sońǵy táýlikte koronavirýs juqtyrǵan 60 adam anyqtalyp, 22 naýqas emdelip shyqty.
Sońǵy aptada aldyńǵymen salystyrǵanda, aýrý juqtyrý kórsetkishi 7,1 paiyzǵa (44 adamǵa) tómendedi.
Jyl basynan beri 13849 adamnan indet tabylsa, sonyń 55,8 paiyzy (7739) Oral qalasy, 14,2 paiyzy (1973) Báiterek, 11,1 paiyzy (1551) Bórli aýdanynyń úlesine tiedi.
Oblys boiynsha kúni búginge deiin 71510 adam vaktsinanyń birinshi, 34248-i ekinshi komponentimen egildi.
