Batys Qazaqstan oblysynda karantindik shekteý sharalary kúsheitildi, dep habarlaidy "Ult aqparat".
BQO bas memlekettik sanitar dárigeri Muhamǵali Aryspaevtyń jańa qaýlysy 28 maýsymnan bastap kúshine enedi.
BQO Sanitariialyq-epidemiologiialyq baqylaý departamentiniń baspasóz qyzmetinen túsken málimetke qaraǵanda, jabyq bazarlar, saýda úileri, qoǵamdyq tamaqtandyrý oryndary («Ashyq» jobasymen jumys isteitinderden basqasy) senbi, jeksenbi kúnderi jumysyn toqtatady. Ashyq bazarlar jumys jasai beredi.
Sondai-aq jazǵy kafeler 07.00-den 22.00-ge deiin, «Ashyq» jobasyna qatysqan bolsa, túngi saǵat 02.00-ge deiin ashyq bolady. Tek ujymdyq, saltanatty, otbasylyq jáne basqa buqaralyq is- sharalardy ótkizýge bolmaidy jáne 50 orynnan aspaýy tiis.
Oǵan qosa, túngi jáne oiyn klýbtary, barlar, kalian oryndary qyzmetine, sol sekildi «Ashyq» jobasyna qatysatyn nysandarda eske alý sharalaryn qospaǵanda, oiyn-saýyq, ujymdyq, otbasylyq (banketter, úilený toilary, mereitoi, t.b.) jáne basqa adamdar kóp jinalatyn is-sharalardy ótkizýge jáne qatysýǵa tyiym salynady.
Eske sala keteiik, budan buryn Batys Qazaqstanda bir kúnde 206 naýqas koronavirýstan jazylyp shyqqanyn jazǵan bolatynbyz.
