QR Bas memlekettik sanitar dárigeri Aijan Esmaǵambetova basseinder men akvaparkterdiń, SPA ortalyqtar men fitnes zaldardyń qandai jaǵdaida ashylatynyn túsindirdi, - dep habarlaidy "Ult aqparat".
«Karantin sharalaryn jeńildetýdi aýrý deńgeiine qarai kezeń-kezeńimen júrgizemiz. Atalǵan nysandar aýrý deńgeii 2 paiyzǵa túskende ǵana ashylady. Qazir boljam aitý qiyn. Karantin sharalaryn qalai saqtasaq, nysandar da solai ashylady», - dedi spiker QR Densaýlyq saqtaý ministrliginiń Feisbýktegi baspasóz máslihatynda.
Sonymen birge, bas sanitarlyq dáriger sanitarlyq normalardy buzǵandarǵa qandai shara qoldanylatynyn aitty.
«Qoldanystaǵy zańnama, iaǵni Kásipkerlik kodeksi epidemiia qaýpi bolǵanda jospardan tys tekserý júrgizýge ruqsat beredi. Sanitarlyq normalar men talaptardy oryndamaityndarǵa Ákimshilik kodekstiń 462-babynda (Memlekettik inspektsiialar men memlekettik baqylaý jáne qadaǵalaý organdarynyń laýazymdy adamdaryna qyzmettik mindetterin oryndaýǵa kedergi keltirý, qaýlylardy, nusqamalardy jáne ózge de talaptardy oryndamaý) ákimshilik jaýapkershilik qarastyrylǵan», - dedi A. Esmaǵambetova.
Buǵan deiin bas sanitarlyq dáriger Qazaqstan áýejailarynda ózge elde júrgizilgen PTR testiniń nátijesi qabyldanatynyn habarlaǵan edi.
