Turǵyndardyń baspanasy bolsa da, zeinetaqy jinaǵyn basqa turǵyn úi alýǵa paidalana alady. Bul týraly Eńbek jáne halyqty áleýmettik qorǵaý ministrliginiń baspasóz qyzmetinen málim boldy, dep habarlaidy "Ult aqparat".
Belgili bolǵandai, bul baǵytta shekteý bolmaidy, iaǵni turǵyn úi jaǵdaiyn jaqsartýǵa paidalaný múmkindigi beriledi. Eger bir bólmeli páter tarlaý bolyp, onyń ornyna eki bólmeli páter alýǵa sheshim jasalsa, onda BJZQ-dan aqshany sheshýge nemese qosymsha tólemmen páterdi aiyrbastaýǵa ruqsat etiledi.
Munymen qosa, bir bólmeli páterdi satyp, odan túsken aqsha men zeinetaqy jinaǵyn qosyp, eki bólmeli páterdi satyp alýǵa boldy.
«Osy máselelerdiń barlyǵy qarastyrylǵan. Sáikesinshe, basqa baspana alýǵa sheshim jasalsa, shekteý bolmaidy», - dep naqtylady ministrliktiń baspasóz qyzmeti.
Budan buryn habarlanǵandai, Qazaqstan halqyna Joldaýyn jariia etken QR Prezidenti Qasym-Jomart Toqaev 2021 jyldan zeinetaqy jinaǵyn baspana satyp alýǵa jumsaýǵa bolatynyn aitqan edi.
