«Turǵyn úi-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ ádisnama departamentiniń direktory Marǵulan Ábdikárimov Turǵyn úi saiasaty týraly jańa zańnyń baspana kezegin qalai retteitinin túsindirdi, dep habarlaidy QazAqparat.
«Zańnamaǵa turǵyn úi saiasaty máseleleri boiynsha ózgerister men tolyqtyrýlar engizý úshin zań jobasy daiyndalǵan bolatyn. Reglament boiynsha qujat qoǵamdyq tyńdaýdan ótip, ashyq derekterdiń portalyna jariialandy. Qazir qujat memlekettik organdardyń maquldaýynda jatyr. Birden aitqym keledi, bul zań jergilikti atqarýshy organdardaǵy baspana kezegin retteýge baǵyttalǵan. Zańnyń negizgi tetigi sol dese de bolady. Qujat «Otbasy banktiń» qurylýymen tyǵyz bailanysty. Qazaqstandaǵy baspana kezeginiń bári osy «Otbasy bankke» shoǵyrlandyrylady. Bul - 500 myńnan astam kezekte turǵan adam degen sóz. Ár óńirde kórsetkish ártúrli. Sáikesinshe, kezektegilerdiń baspana alý isine jańa tetikterdi engizý turǵyn úi qatynasy týraly zańmen retteledi», - dedi departament direktory.
Sondai-aq, ol atalǵan qujattyń qashan Úkimetke usynylatynyn atady.
«Zańnyń basty maqsaty – halyqty baspanamen qamtýdyń jańa tásil mehanizmin pysyqtaý. Qazir zań memlekettik organdardyń aqyrǵy maquldaýynda jatyr. Shilde aiynyń sońyna deiin maquldaýdan ótedi dep otyrmyz. Ári qarai reglament boiynsha Úkimetke engiziledi», - dep túiindedi Marǵulan Ábdikárimov.
