Elordalyq «Astana» aldaǵy maýsymdaǵy basketboldan VTB Birikken ligasyndaǵy alǵashqy oiynyn óz alańynda ótkizedi, dep habarlaidy "Ult aqparat".
Qazaqstandyq klýb 23 qyrkúiekte elordada Reseidiń TsSKA (Máskeý) komandasyn qabyldaidy. Turaqty chempionat 2021 jyldyń 25 sáýirinde máresine jetedi.
Jarys erejesine sáikes oǵan qatysatyn 13 klýb eki ainalym boiynsha baq synaidy. Árbir komanda óz alańynda jáne qonaqta oiyndar ótkizedi. Turaqty chempionat qorytyndysymen úzdik segiz komanda plei-off kezeńine joldama alady. Sol arqyly týrnirdiń jeńimpazy anyqtalady.
VTB Birikken ligasynyń ótken maýsymy naýryz aiynda koronavirýs pandemiiasyna bailanysty ýaqytynan buryna aiaqtaldy. Sol sátte «Astana»18 oiynnan keiin týrnir kestesinde onynshy orynda turǵan bolatyn.
VTB Birikken ligasy 2008 jyldan beri turaqty túrde ótkizilip keledi. «Astana» oǵan 2011 jyldan beri qatysyp júr. Atalǵan týrnirde reseilik jáne «Astana» komandalarynan ózge Belarýstiń «Tsmoki-Minsk», Estoniianyń «Kalev», Polshanyń «Zeliona-Gýra» klýbtary baq synaidy.
