Foto: QR SIM baspasóz qyzmeti
QR Syrtqy ister ministrliginiń resmi ókili Aibek Smadiiarov Kenesary basyn izdeý jumystary jóninde pikir bildirdi, dep habarlaidy QazAqparat.
Aptalyq brifingte tilshiler resmi ókilge «Syrtqy ister ministrligi Kenesarynyń basyn izdeý boiynsha shara qabyldai ma?» degen suraq qoiyldy.
«Mundai máselelermen tarihshylar, tar aýqymdaǵy mamandar ainalysýy kerek. Áitse de diplomatiialyq arnalar arqyly bizge de salalyq vedomstvolardan suraqtar kelip túsedi. Tiisinshe, biz olardy reseilik tarapqa jiberemiz. Keibir reseilik tarap bul bas múldem joq dep te aityp júr. Menińshe, bul máselemen tarihshylar ainalysyp, anyǵyn aitýy kerek», - dep jaýap berdi Smadiiarov.
Sonymen birge, tilshiler «Kenesary basyn qaitarý máselesi saiasi joǵary deńgeide turǵan joq pa?» dep surady.
«Bilesizder me, bizde basqa da máseleler tolyp jatyr. Jumys isteý kerek», - dedi Aibek Smadiiarov.
