Elimizde koronavirýs simptomymen dárigerlerdiń kómegine júgingen adamdar sany artty. Bul týraly QR memlekettik bas sanitarlyq dárigeri Aijan Esmaǵambetova aitty, dep habarlaidy QazAqparat.
«Búgingi kúni koronavirýs infektsiiasy simptomdarymen meditsinalyq kómekke júgingen adamdardyń sany artyp otyr. Bir apta ishinde mundai adamdardyń sany 40 paiyzǵa, ótken aptaǵa qaraǵanda paiyzǵa shaqqanda 15-ten 17,5 paiyzǵa ósti. Ózdiginen meditsinalyq kómekke júgingenderdiń artýy Nur-Sultan, Almaty qalalarynda, Pavlodar, Aqtóbe, Qostanai oblystarynda baiqalady», - dedi bas sanitarlyq dáriger Ortalyq kommýnikatsiialar qyzmetindegi brifingte.
Onyń atap ótýinshe, ózdiginen meditsinalyq kómekke júginder sanynyń artýy adamdardyń virýstan qorǵaný sharalaryn saqtamaityndyǵyn kórsetip otyr.
«Ókinishke orai, kópshiligi koronavirýs infektsiiasy qaýpin jete baǵalamai otyr. Bul óte juqpaly aýrý ekendigin, aǵza úshin iz-tússiz ótpeitindigin, eń aldymen jasy úlken jaqyndarymyz - ata-ájelerimizge, ata-analarymyzǵa qaýipti ekendigin eskterińizge salǵym keledi», - dedi ol.
Osy rette bas sanitarlyq dáriger koronavirýs infektsiiasymen syrqattaný ósiminiń sebebine saraptama júrgizilgendigin atap ótti.
«Birinshisi - sanitarlyq zalalsyzdandyrý rejimin kúsheitý jónindegi belgilengen talaptardy saqtamaǵan, maska taqpaǵan, arashyqtyq saqtamaǵan, bailanystardy azaitpaǵan eńbek ujymdarda taralýy. Ekinshisi - eńbek ujymynan tys áleýmettik bailanystardyń artýy. Biz qonaqqa baryp, ózimiz de qonaq shaqyryp jatyrmyz jáne mamandardyń keńesterine qaramastan gigienalyq jáne ózińdi qorǵaýdyń qarapaiym talaptary oryndaýdy - maska taǵýdy, antiseptikterdi paidalanýdy, araqashyqtyq saqtaýdy qoidyq», - dedi Aijan Esmaǵambetova.
