Almaty qalalyq sanitarlyq-epidemiologiialyq baqylaý departamentiniń basshysy Jandarbek Bekshin onlain brifing barysynda megapolis epidemiologtary jańa mýtatsiialardy anyqtaý úshin Almaty aýmaǵynda ainalymda júrgen koronavirýs shtamdaryna genetikalyq zertteý júrgizilip jatqanyn málim etti, dep habarlaidy "Ult aqparat".
Almatynyń bas sanitar dárigeri Jandarbek Bekshin qalada ainalymdaǵy 90%-ǵa jýyq mýtatsiialanǵan shtammdardyń taralýyna bailanysty epidemiologiialyq jaǵdai kúrdeli ekenin atap ótti.
«12-19 maýsym aralyǵynda mýtatsiialanǵan shtammdardyń ainalymyn anyqtaý maqsatynda PTR diagnostika júrgizdik. 53 zertteýdiń ishinen britandyq shtamm - 44-te (83%), Ońtústik Afrika eki jaǵdaida (4%) jáne bireýinde Niý-Iork shtamy (1,8%) anyqtaldy. Qalǵan 11%-da COVID-19 virýsynyń mýtatsiiasy anyqtalmady», – dedi ol.
Sanitarlyq-epidemiologiialyq vedomstvo basshysynyń aitýynsha, 16 maýsymnan bastap juqtyrý kórsetkishi 0,7-den 0,96-ǵa deiin ósken.
«Bul demalys oryndaryna barǵan turǵyndardyń betperde rejimin saqtamai, epidemiiaǵa qarsy sharalardy elemeýi saldarynan boldy», – dedi Jandarbek Bekshin.
Sonymen qatar, ol COVID-19 aýrýy ósiminiń negizgi sebebi - infektsiianyń tez taralýyna yqpal etetin mýtatsiialanǵan shtamdar ekenin tilge tiek etti.
Sondyqtan 22 maýsymda epidemiologiialyq jaǵdaidy baǵalaý matritsasynda Almaty taǵy da «sary» aimaqqa ótti. Juqtyrý kórsetkishi joǵary.
«Epidemiologiialyq jaǵdai ýshyqqan jaǵdaida shekteý sharalaryn baqylaý 5 kún ishinde júrgiziledi («jasyl» aimaqtan «saryǵa» nemese «sary» aimaqtan «qyzylǵa» kóshý). Sondyqtan Almatyda «jasyl» aimaq rejimi taǵy 5 kún, iaǵni 27 maýsymǵa deiin saqtalady», - dedi ol.
