Foto: Ortkom
Bas prokýratýra referendým kezinde zańbuzýshylyqtar tirkelmegenin málimdedi, dep habarlaidy Ult.kz.
Bas prokýratýranyń Qoǵamdyq múddelerdi qorǵaý qyzmeti basqarmasynyń basshysy Bekjan Karamanov referendýmda daýys berý úderisi zań aiasynda ótip jatqanyn aitty.
"Referendým kezinde zańdylyqty qamtamasyz etý jumysy jalǵasýda", – dedi Karamanov Ortalyq kommýnikatsiialar qyzmeti alańynda ótken brifingte.
QR IIM resmi ókili Shyńǵys Álekeshevtiń sózinshe basshylyq jáne komandalyq quram – táýlik boiy kezekshilik atqarady. Memlekettik organdarmen birlesip referendým ýchaskeleri aldyn ala tekserildi.
Sonymen qatar ýchaskelerdiń tehnikalyq qaýipsizdigi, órt qaýipsizdigi jáne terrorizmge qarsy qorǵanysy qaralyp, barlyq ýchaskeler táýlik boiy baqylaýǵa alyndy.
"Politsiia qyzmetkerleri daýys berý zaldarynda bolmaidy. Olar tek komissiia tóraǵasynyń shaqyrýymen jáne qoǵamdyq tártip buzylǵan jaǵdaida ǵana kire alady. Qazirgi ýaqytta eldegi jaǵdai – turaqty, tolyq baqylaýda. Qoǵamdyq tártip buzý faktileri tirkelgen joq. Ishki ister ministrligi – azamattardy zańdy saqtaýǵa jáne qaýipsizdik sharalaryna túsinistikpen qaraýǵa shaqyrady", – dedi Shyńǵys Álekeshev.
