Ólim jazasyn alyp tastaý qylmys deńgeiine qalai áser etedi? QazAqparat tilshisi Bas prokýrordyń aǵa kómekshisi Rýslan Toqtaǵulovtyan osy saýal tqńirgendegi oiyn surap kórdi, dep habarlaidy QazAqparat.
«Adam quqyqtaryn qorǵaýǵa baǵyttalǵan qozǵalys kóptegen ǵasyrlar buryn bastalyp, XVII ǵasyrda Eýropanyń birshama elinde ólim jazasyn joiý úshin kúres bastaldy. Ol tusta qozǵalystyń qarsylastary kóp boldy. Taiaý tarihta ólim jazasy bir jylǵa, jarty jylǵa birneshe ret alynyp, keiin qaita qalpyna keltirildi», - dedi Rýslan Toqtaǵulov QazAqparat tilshisine telefon arqyly bergen pikirinde.
Bas prokýratýra ókili «taiaý tarih» dep 1917, 1925 jáne 1948 jyldar týraly aityp otyrǵanyn túsindirdi.
«Búkil álem boiynsha bul máselemen belgili kriminologtar, sonyń ishinde qoǵamdyq uiymdar ainalysyp júr. Olar qylmys deńgeii belgilengen jazanyń túrimen bailanysty emes degen dálelder keltiredi. Qylmystyń áleýmettik-ekonomikalyq tamyry bar – bul tárbie, bilim, adamnyń ómir súrý jaǵdaiy», - dep túiindedi spiker.
