Elordalyq «Barys» komandasynyń bapkerler quramy tolyq jasaqtaldy, dep habarlaidy "Ult aqparat" komanda saityna silteme jasap.
Esterińizge sala ketelik, biyl bas bapker qyzmetine qazaqstandyq maman Iýrii Mihailis kelgen bolatyn. Oǵan Georgii Vereshagin, Aleksandr Shimin, Andrei Shaianov jáne Aleksandr Ahtsiger kómekshilik jasaityn boldy. Al bapkerler quramynda Sergei Tambýlov video-sarapshy qyzmetin atqarady.
Georgii Vereshagin - Qaraǵandy hokkeiiniń túlegi. Budan buryn ol Iu.Mihailiske «Nomad» komandasynda, elimizdiń stýdentter jáne jastar quramalarynda kómekshilik jasady.
Óskemen hokkeiiniń túlegi Andrei Shaianov budan buryn da «Barys» komandasynda bas jáne aǵa bapker qyzmetterin atqarǵan. Byltyr «Barys» júiesindegi «Snejnye Barsy» klýbynda bapkerler quramynda boldy.
Al Aleksandr Ahtsiger men Sergei Tambýlov qurlyqtyq hokkei ligasy qurylǵannan beri elordalyq klýb sapynda eńbek etedi. Al Aleksandr Shimin «Barysqa» eki jyl buryn qyzmetke keldi.
