Almatyda Baraholka bazarynda órt shyqty. Tilsiz jaý «Olja» bazarynda tutanǵan, – dep habarlaidy Massaget.kz portalynyń oqiǵa ornyna barǵan tilshisi.
Órtti sóndirýge qalalyq 110 Tótenshe jaǵdai qyzmetkeri men 30 tehnika jáne arnaiy tikushaq jumyldyrylǵan. Tótenshe jaǵdaidyń neden paida bolǵanyny ázirge belgisiz. Tilsiz jaý 3000 sharshy metrdi alyp jatyr.
Kýágerlerdiń aitýy boiynsha, aiaq kiim saqtalǵan qoima órtenýde. Kýáger: «gaz balonnyń jarylǵanyndai daýys shyqty. Órt tez sharpydy. Nebári 20 minýt ishinde ainala órtke orandy», – dedi.
«Olja» bazarynyń satýshylary taýarlaryn qaýipsiz jerge tasýda. Sondai-aq, Ulttyq ulan sarbazdary da oqiǵa ornyna kelip jetti.
sýretter: massaget.kz
