Balqash kóline qaýip tónip turǵan joq. Kóldiń turaqty deńgeide saqtalýyna (Baltyq júiesiniń 341 M belgisinen tómen emes) jyl saiyn oǵan 12 mlrd m3 aǵyn sý quiylýymen kepil. Bul rette aǵynnyń 70% - y transshekaralyq Ile ózeni arqyly keledi.
Bul týraly QR Ekologiia, geologiia jáne tabiǵi restýrstar ministrliginiń Telegram kanalynda habarlandy.
Ministrlik taratqan aqparattarǵa qaraǵanda, gidrologiialyq derekterdi taldaý nátijesi boiynsha, Ile ózeniniń aǵysy 2001 jyldan 2020 jylǵa deiin 13,8 mlrd m3 qurady. Kólge jyl saiyn shamamen 20 mlrd m3 sý qúiylady, Ileden keiingi eń iri ózender - Qaratal, Aqsý, Lepsi, Aiagóz ózenderi.
Memleket basshysy Qasym-Jomart Toqaevtyń tapsyrmasyna sáikes Almaty oblysynyń ákimdigi jáne basqa da ýákiletti memlekettik organdarmen birlesip Balqash kólin saqtaý boiynsha arnaiy jospar ázirlendi. Josparda ónerkásiptik kásiporyndardyń ziiandy tógindilerin qysqartý, Ile ózeni atyraýynyń aǵyndaryndaǵy tazartý jáne túbin tereńdetý jumystary, irrigatsiialyq jáne drenajdyq júielerdi qaita qurý jáne sýdy únemdeý úshin Ile ózeni basseininde gidromeliorativtik júielerdi qaita jańartý jáne sýarýdyń zamanaýi tehnologiialaryn engizý, Ile ózeni aǵynynyń aýytqýyn azaitý úshin Qapshaǵai sý elektr stantsiiasyyń Kerbulaq kontrrettegishin salý jónindegi is-sharalar kózdelgen.
Bul is-sharalar ázirlenip jatqan sý resýrstaryn basqarý jónindegi ulttyq joba sheńberinde iske asyrylatyn bolady.
Sondai-aq, Balqash kóliniń ekologiialyq jai-kúiin jaqsartý maqsatynda jáne Ile ózeni atyraýyndaǵy balyq qorlarynyń ónimdiligin qalpyna keltirý jáne odan ári molaitý úshin 2006 jyldan bastap jyl saiyn Almaty oblysynyń ákimdigi kól atyraýyndaǵy arnalardy keńeitip, tereńdetýde.
2020 jyly Balqashqa quiatyn arnalardy mehanikalyq tazalaý jáne tereńdetý boiynsha 5 joba iske asyryldy. Biyl Ile ózeni sýynyń kólge quiýyn arttyrý úshin 4 nysan boiynsha jumystar júrgizilýde. 2022 jyly 4 jobany iske asyrý josparlanýda.
