Vaktsinatsiialanǵan barlyq jasóspirimder eresekter siiaqty vaktsinatsiia pasportyn alady. Bul týraly brifing barysynda Jandarbek Bekshin málim etti, dep habarlaidy QazAqparat agenttigi.
«Ata-anasy balaǵa ekpe salýdan bas tartsa, onda balasyn Qazaqstan Respýblikasynyń Konstitýtsiiasynda kepildik berilgen densaýlyqty qorǵaý quqyǵynan aiyrǵany. Aita keteiin, vaktsinatsiialanǵan barlyq jasóspirimder eresekter siiaqty vaktsinatsiia pasportyn alady», - dedi Jandarbek Bekshin.
Aita keteiik, búginnen bastap jasóspirimderge ekpe salý bastaldy.
Almaty qalalyq qoǵamdyq densaýlyq basqarmasy basshysynyń orynbasary Laýra Myrzaǵalievanyń dereginshe, megapoliste 12-17 jas aralyǵyndaǵy 1 619 bala ekpe alýǵa daiyn.
«12-17 jastaǵy 1 619 balanyń vaktsina alǵysy keldi. Eger jasóspirim ata-anasynyń kelisiminsiz vaktsinatsiiaǵa kelse, meditsina qyzmetkerleri olarmen habarlasyp, kelisimin suraidy. Tizimder bar, pedagogtar bizge kómektesedi», - dedi dáriger.
