Shyǵys Qazaqstan oblysynda balalarǵa arnalǵan oiynshyqtar tekserildi. Monitoring kezinde qaýipti taýarlar anyqtaldy.
Arnapress.kz aqparatyna súiensek, sanitarlyq-epidemiologiialyq baqylaý departamenti 3 myńnan astam synama aldy. Sonyń ishinde azyq-túlik ónimderi men halyq jii alatyn taýarlar bar. Tekseris kezinde importerler men taýar óndirýshilerge 2 377 355 teńge kóleminde aiyppul salyndy. 166,2 kelige tartatyn qaýipti ónimder tárkilendi, dep habarlaidy Sputnik Qazaqstan.
Talapqa sai kelmeitin taýarlar az emes bolyp shyqty. Ónim óndirýshiler kóp jaǵdaida taýarǵa qatysty tolyq aqparat (saqtaý merzimi, óndirýshiniń ataýy men mekenjaiy, shyǵarylǵan kúni, saqtaý ýaqyty, salmaǵy, energetikalyq qundylyǵy, memlekettik tildegi aqparat, EAEO memleketterine ortaq belgi men Mebiýsty) jazbaidy.
Al balalarǵa arnalǵan oiynshyqtardyń quramynda ýly zattar anyqtaldy.
"Zerthanada balalarǵa arnalǵan oiynshyqtarǵa da taldaý jasaldy. Sol kezde tańbalaýdan bólek quramynda fenol men formaldegid siiaqty qaýipti zattardyń tiisti normadan bir-bir jarym esege kóp bolyp shyqty. Odan balalar ýlanýy múmkin", - deidi sanitar mamandar.
Sonyń ishinde "Pakettegi mashina" (Qytai), "BTG-029 mashinasy" (óndirýshi - Baby toys garden, Ózbekstan,), "Qýyrshaqtar ydysy" (óndirýshi -Polimer Plastic, Ózbekstan), identifikatsiia boiynsha "Ydystar jiyntyǵy" (Ózbekstan, óndirýshi kompaniia kórsetilmegen) jáne taǵy basqa taýarlar bar.
Budan bólek, merzimi ótip ketken oiynshyqtar bar. Sonyń biri - Donqshenq toys qýyrshaǵy (Qytai). Taǵy eki oiynshyqta óndirýshiniń ataýy jazylmaǵan.
Al "Barbi" qýyrshaǵy men syldyrmaq tiisti talaptarǵa sai kelmeidi. Sebebi ótkir shetteri men kertikteri bar. Balalarǵa jaraqat alyp qalýy múmkin.
Aita keteri, densaýlyq saqtaý ministrliginiń sanitarlyq-epidemiologiialyq baqylaý komiteti ai saiyn talapqa sai kelmeitin taýarlardy tizimin jariialap otyrady. Sondai-aq, Wipon qosymshasy arqyly kez kelgen ónimdi tekserýge bolady. Ol úshin shtrih-kodty skanerleý kerek.
