Nur-Sultan qalasynyń ákimi Altai Kólginov jańa oqý jylynda balalar mektepke orala ma degen suraqqa jaýap berdi, dep habarlaidy QazAqparat.
«Balalardyń mektepti saǵynǵanyn bilemiz. Ne degenmen, onlain oqytý klassikalyq oqý protsesinen erekshelenedi. Memleket basshysynyń tapsyrmasyna sáikes, biz osyǵan daiyndalyp jatyrmyz. Birinshiden, bul úshin barlyq oqytýshylar quramy vaktsina alýy kerek. Qazir pedagogtardyń 60%-dan astamy vaktsina salǵyzdy, bul jumys belsendi túrde jalǵasýda. Árine, biz dárigerlermen keńesip, jastarǵa vaktsina egýdi talqylap jatyrmyz. Ázirge bizde 18+ talaby bar. Biraq, eń aldymen, muǵalimderdi vaktsinalaý kerek. Qazir jańa oqý jylyna daiyndalyp jatyrmyz», - dedi A. Kólginov Ortalyq kommýnikatsiialar qyzmetinde ótken baspasóz máslihatynda.
Sonymen birge, ákim meditsinalyq qarsy kórsetilimderi bar muǵalimder vaktsinalaýdan bosatylatynyn eske saldy.
