Foto: DSM
Búgin dáriger men feldsherden turatyn Ulttyq shuǵyl meditsinany úilestirý ortalyǵynyń mobildik meditsinalyq aviatsiia brigadasy "Alaman Air" áýekompaniiasynyń jańa Bombardier Challenger CL-600-2B19 ushaǵymen patsientke Koreiaǵa ushyp ketti, dep habarlaidy Ult.kz.
Brigada týa bitken júrek kemistigi diagnozy qoiylǵan 4 jasar balany Seýl qalasynan (Ońtústik Koreia) Ulttyq pediatriia jáne balalar hirýrgiiasy ortalyǵynda odan ári emdeý úshin Almatyǵa tasymaldaýy qajet. Jańa týrboreaktivti mamandandyrylǵan ushaq aýyr jaǵdaidaǵy patsientterdi alyp júrýge arnalǵan eki meditsinalyq modýlmen jabdyqtalǵan.
Bul reis qaýipsizdik pen jailylyqtyń joǵary deńgeiin qamtamasyz etetin eń jańa áýe kemesin paidalaný arqyly adamdardyń ómirin saqtaýdaǵy mańyzdy qadam boldy.
Densaýlyq saqtaý ministrliginiń aviakompaniialarmen investitsiialar týraly kelisimi aiasyndaǵy áriptestik sheńberinde tozǵan ushý tehnikasyn jańa borttarǵa aýystyrý júrip jatqanyn esterińizge sala keteiik.
Qazirgi zamanǵy bort QR búkil aýmaǵy boiynsha óńiraralyq toqtaýsyz reisterdi, sondai-aq patsient-azamattardy sheteldik klinikalardan tasymaldaý boiynsha halyqaralyq reisterdi oryndaýǵa arnalǵan.
