Foto: skrinshot
Almatyda balabaqshada qatarlastarynan taiaq jegen balanyń ákesi barlyq mán-jaidy óz aýzymen aityp berdi. Ol balasyn urǵan bir top balany tárbieshi «arandatqan» dep sanaidy, dep habarlaidy ulysmedia.kz.
ktk-nyń málimetinshe, bul týraly balabaqshadaǵy balalardyń ózderi aitqan. Qazir osy keleńsiz jaitqa jol bergen №58 balabaqshanyń meńgerýshisi men tárbieshisi jumysynan bosatyldy. Al tórt jastaǵy Abylai psihologtyń kómegine zárý
Amangeldi Áskenov – balabaqshada qatarlastarynan ońbai taiaq jegen balanyń ákesi. Ol tuńǵyshy kókala qoidai bolyp úige kelgende birden mektepke deiingi mekemege baryp, beinebaqylaý kamerasynan qandai jaǵdai bolǵanyn kórgen.
«Aitatyn adam bolǵan jaidy balabaqshaǵa balany alyp ketýge kelgen kezde aitatyn edi. Tárbieshisi kele sala bizge habarlasatyn edi. Ol telefonyn shuqylap otyra berdi. Balabaqshanyń bári sondai shý bolǵanyn bildi. Osy jaǵdai bolǵanda ol jinalysta otyrǵan. Balalardy tastap ketken. Men balalardy kinálai almaimyn, sebebi baladan ondaidy kútpeimin. Ata-anadan da kútpeimin. «Baryp jabylyp uryńdar» dep eshqandai ata-ana aitpaidy dep oilaimyn», - deidi balanyń ákesi Amangeldi Áskenov.
Kúni keshe áleýmettik jelige taralyp ketken videodan jalǵyz balany uly da, qyzy da jabylyp aiaýsyz teýip jatqanyn baiqaýǵa bolady. Soqqylardan bala arly-berli qashyp, bir kezde jerge qulaidy. Sonyń ózinde biri basynan, ekinshisi ishinen teýip jatyr. Bul bólmede ne tárbieshi, ne bala kútýshi kórinbeidi.
«Bala shoshynyp qalǵan. Qorqady. Balabaqshaǵa barǵysy kelmeidi. Psihologtarmen jumys isteý kerek. Psihologty olar berý kerek. Olardyń mindeti dep sanaimyn.Bilim basqarmasynyń kesirinen bala sondaiǵa ushyrap otyr. Jaýapty adam bolý kerek. Basymyzdan osyndai jaǵdai ótedi dep úsh uiyqtasam túsime kirmegen», - deidi ol.
