Jelide sý qoimasyndaǵy qatty aǵystan balany qutqarý sáti túsirilgen video taraǵan bolatyn. Oqiǵa 8 shildede Shyńjańdaǵy Artýsh qalasynda bolǵan, - dep habarlaidy Massaget.kz portaly China News agenttigine silteme jasap.
Qazaqstan TJM ókili video basqa elde túsirilgenin málimdedi, óitkeni "kezekshi pýltine oqiǵa týraly qońyraý túspegen". Oqiǵa Qytaida bolǵan eken.
Basylym málimetinshe, bala abaisyzda sý qoimasyna qulap ketken. Osylaisha, balany qatty aǵys alyp ketken. Shyńjań Uiǵyr avtonomiialyq aýdany Artýsh qalasynyń Shańǵartashy kenti Boishaq aýyly politsiia bólimshesiniń patrýldik tobynan úsh kómekshi politsei aýmaqty kúzetip júrgen kezde 11 jastaǵy bala sý qoimasyna batyp bara jatqanyn anyqtaǵan.
Kómekshi politseiler Týrgon Iomailtszian men Mýhetar Rehemantszian qutqarý operatsiiasyn bastaý úshin bir-birlep kanalǵa sekirgen. Kanaldyń eki jaǵyndaǵy qatty aǵys pen tas saldarynan ekeýi de batyp bara jatqan balamen birge tómen qarai aǵyp ketken. Biraq olar batyp bara jatqan balany aman alyp qalǵan.
Jaǵaǵa shyqqan kezde Mýhetar Rehemantszian óziniń áriptesi aǵyp bara jatqanyn kórip, denesindegi jara men sharshaǵanyna nazar aýdarmai, kómekke júgirgen. Politsei áriptesin qutqarý úshin taǵy da sý qoimasyna sekirgen. Aqyr aiaǵynda eki kómekshi politsei de sýdan aman-saý shyqqan.
Bala aýrýhanaǵa jiberilgen. Ýaqytyly qutqarylǵanynyń arqasynda balaǵa tónip turǵan qaýip joq.
