Foto:gov.kz
Ulttyq bank tóraǵasynyń orynbasary Berik Sholpanqulov baqylaýǵa alynǵan mobildi aýdarymdardyń somasyn shekteýge qatysty pikir bildirdi, dep habarlaidy Ult.kz, Sputnik.kzke silteme jasap.
Qazirgi kezde salyqshylar mobildi aýdarymdardyń sanyna qaraidy. Atap aitqanda, ai saiyn ondai adamǵa túsken aýdarymdardyń sany 100-den asyp, úsh ai qatarynan qaitalansa, bankter salyq organdaryna tiisti aqparat jiberedi.
Endi memlekettik kirister komiteti baqylaýǵa alynǵan mobildi aýdarymdardyń somasyn 255 teńgemen shekteýdi usynyp otyr. Bul másele ulttyq bankte qaraýyna jiberilgen bolatyn. Bank tóraǵasynyń orynbasary Berik Sholpanqulovtyń aitýynsha, qazirgi kezde salyqshylardyń usynysyn tehnikalyq turǵyda iske asyrý máselesi pysyqtalyp jatyr.
"Búginde bankter osy bastamany tehnikalyq turǵyda iske asyrý jaiyn qarastyrýǵa kiristi. Eger rastasa, onda bolady. Eger istei almasa, onda basqa joldaryn qarastyramyz. Bul jerde tehnikalyq iske asyrý jaǵyna qaraý kerek", - dedi Sholpanqulov senatta ótken brifingte.
Onyń sózine qaraǵanda, baqylaýǵa alynǵan mobildi aýdarymdardyń somasyna shekteý engizilse, bankterde aýdarymdardyń sanyn ǵana emes, somasyn da avtomatty túrde baqylap, salyqshylarǵa aqparat jiberýge tehnikalyq múmkindigi bolýy kerek.
