Bahreinde seks quldyqqa túsken úsh qazaqstandyq qyz úilerine qaitaryldy. Bul týraly kaz.tengrinews.kz tilshisine QR SIM baspasóz hatshysy Ánýar Jainaqov habarlady.
"Qyzdar mámilegerlerdiń kómegimen bosatyldy. Olar búgin úilerine qaitaryldy. Qazirgi ýaqytta qyzdar Qazaqstanda", - dep habarlady Ánýar Jainaqov.
Eske salaiyq, shilde aiynyń sońynda úsh qazaqstandyq qyzdyń seks-quldyqqa túsip qalǵany jaily habarlanǵan bolatyn. QR elshisiniń aitýynsha, Bahrein koroldigine viza jeńildetilgen. Qylmyskerler qyzdardy jumysqa ornalastyramyz dep aldap shaqyrady. Suhbattasýshynyń aitýynsha, adam saýdasymen ainalysatyn álemdik qylmystyq toptyń jelisi baryn aitady. Bizge ata-analary habarlasty, al biz ondai málimetterge der kezinde áreket jasaimyz. Ádette qylmyskerler qyzdardyń tólqujatyn jáne aqshasyn tartyp alady, qonaqúiler men klýbtarda tánin saýdaǵa salýdy májbúrleidi. Men sizderdiń sait arqyly elimizdiń azamattaryna saq bolýdy, Bahreinge shaqyrtý jasasa barlyq jaǵdaidy eskerýdi eskertemiz, sebebi bul shaqyrtýlardyń kóbisi - aldaý jáne sońy qylmystyq toptyń jelisine jumys jasaýmen aiaqtalady", - degen edi QR elshisi.
