Aqparat jáne qoǵamdyq damý ministri Aida Balaeva otandyq BAQ salasyn damytý máselelerine arnalǵan dóńgelek ústel jiynynda qysyltaiań shaqtaǵy jýrnalisterdiń eńbegin erekshe atap ótti, dep habarlaidy "Ult aqparat".
«Ministrlik óz tarapynan elmizdiń buqaralyq aqparat quraldarynyń pandemiia kezindegi ekonomikalyq qiyndyqtardy eńserýine qoldaý kórsetý baǵytynda birqatar sharalardy ázirledi. Úkimet tarapynan jasalatyn bul qoldaý aiasynda salyq jáne mindetti aýdarymdarǵa bailanysty ýaqytsha jeńildikter qarastyrylyp otyr. Sondai-aq kommertsiialyq tele-radioarnalardyń analogtyq jáne efirlik habar taratý qyzmetteri úshin aqy tóleýi boiynsha qoldaý jasalady. Bul shara teleradio kompaniialardyń qaryzdaryn jaýyp, kommertsiialyq telearnalardyń habar taratýyn saqtaýǵa jáne eldiń, ásirese shekara mańyndaǵy óńirlerde aqparattyq qaýipsizdikti qamtamasyz etýge múmkindik beredi», – dedi Aida Balaeva.
