"Aqtóbe Taims" basylymynyń jýrnalisteri Qazaqstan IIM basshysynyń burynǵy orynbasary, Aqtóbe oblysy IID eks-basshysy general Mahambet Ábisatov qazir nemen ainalysyp júrgenin anyqtady, - dep habarlaidy Tengrinews.kz tilshisi.
Ishki ister ministrliginiń baspasóz qyzmeti Ábisatov jeke kásippen ainalysatynyn málimdedi. Burynǵy joǵary qyzmettegi áskeri qyzmetker qazir Halyk Inkassatsiia JShS bas direktory qyzmetin atqaratyny belgili boldy.
"Buǵan Qazaqstan qor birjasynda jariialanǵan derekter dálel bola alady", - dep jazdy basylym.
Eske salaiyq, 2019 jyldyń shildesinde Ábisatov qatty janjal týyndaǵan kezde IIM basshysynyń orynbasary qyzmetinen bosatyldy. Jelige general aqtóbelik qyzmetkerlerine dóreki sóilep jatqan aýdiojazba jariialandy.
Ábisatov jazba jariialanǵannan keiin keshirim surady. Ol "36 jyl boiǵy qyzmetinde halyqty qorǵaǵan qoǵamnyń qylmystyq tilin boiyna sińirgenin", sonymen qatar, "Aqtóbe politsiiasynyń barlyq qyzmetkeri týraly emes, tek halyq aqshasy men memlekettik múlikke nemquraidy qaraityndar týraly" aitqanyn málimdedi.
