Tabystaryn jasyrǵan azamattarǵa biýdjetten 2,6 mln teńge artyq tólengen, dep habarlaidy ult.kz.
Baiqońyr qalasynyń prokýratýrasy ataýly áleýmettik kómekti taǵaiyndaý kezinde zań talaptarynyń saqtalýyna taldaý júrgizip, birqatar zańbuzýshylyqty anyqtady.
Prokýratýra málimetinshe, tabystaryn jasyrǵan 6 adamǵa ataýly áleýmettik kómek zańsyz taǵaiyndalǵan. Sonyń saldarynan memlekettik biýdjetten jalpy 2,6 mln teńge artyq tólengen.
Prokýrorlyq qadaǵalaý aktisinen keiin zańbuzýshylyqtar joiyldy. Qazirdiń ózinde eki azamattan biýdjetke 553 233 teńge óndirilgen.
Qalǵan tulǵalardan artyq tólengen qarajatty óndirip alý máselesi sot tártibimen qaralyp jatyr.
Prokýratýra memlekettik áleýmettik qoldaý sharalarynyń zańdy ári maqsatty paidalanylýyn turaqty baqylaýda ustaitynyn málimdedi.
