Foto: ashyq derekkóz
Baǵdat Mýsin Instagram paraqshasynda IT salasyndaǵy eńbek joly týraly aityp, tsifrlyq jobalarmen 2000 jyldan beri ainalysyp kele jatqanyn jáne bul onyń ómiriniń máni ekenin jetkizdi. Mýsin stýdenttik kezinen beri saittar jasap, startaptar iske qosyp, tsifrlyq bastamalardy damytýdy jalǵastyryp kele jatqanyn atap ótti jáne osy salada qyzmet etip júrgen barsha IT mamandaryn Tsifrlandyrý jáne aqparattyq tehnologiialar qyzmetkerleri kúnimen quttyqtady.
Mýsinniń aitýynsha, ol kóp jyl buryn bolashaqta tońazytqyshtar ózdiginen tamaqqa tapsyrys beretinin, kólikterdiń ushatyndyǵyn boljaǵan. Búginde bul ideialar birtindep shyndyqqa ainalýda. "Qazaqtelekom" basshysy qazaqstandyqtardy úlken jetistikterge umtylyp, únemi jetilýge shaqyrdy.
Sonymen qatar, Qazaqstandaǵy sporttyq baǵdarlamalaý federatsiiasynyń basshysy Baǵdat Mýsin programmisterdi "fiksikterge" teńep, olardy kópshilik úshin kórinbeitin, biraq tehnologiiany ilgeriletetin jáne túzetetin sheberler dep atady.
"Olar bir nárseni jóndegisi, túzetkisi keledi, qazaqstandyqtar úshin, jalpy elimizdiń jáne álemniń turǵyndary úshin jaqsy dúnie jasaǵysy keledi. Men shyn júrekten olardyń ideialary júzege asyp, árbir qazaqstandyqta sondai úlken shabyt bolýyn tileimin. Qalǵany Alladan, bastysy alǵa qadam basý, áreket etý jáne óz is-áreketterińdi jetildirý," - dedi Baǵdat Mýsin.
Buǵan deiin Baǵdat Mýsin otbasyndaǵy erekshe dástúr týraly aitqanyn jazǵanbyz.
