«Qazaqtelekom» AQ basshysy Baǵdat Mýsin áleýmettik jelide otbasylyq videosyn jariialady, dep habarlaidy Ult.kz.
20 qazan kúni eks-ministr óziniń Instagram-daǵy paraqshasynda ulynyń dombyra shertip otyrǵan videosyn jariialady.
"Balam jeksenbi kúnin kútip, mektepte ne úirengenin bizge kórsetip jatyr. Maqsat, bir jaǵynan, onyń eńbegin baǵalaý bolsa, ekinshi jaǵynan, inisine de úlgi kórsetý. Meili, dál qazir uqpasa da, keiin dombyranyń únin boiyna sińirip ósedi. Qadir Myrza Áli aitpaqshy, «Naǵyz qazaq qazaq emes, naǵyz qazaq - dombyra!» - dedi Mýsin.
Ol sonymen qatar kúndelikti ómirde balalarǵa ýaqyt bólýdi umytpaý kerektigin de eske saldy.
"Kúibeń tirliktiń arasynda balalarmen ýaqyt ótkizýdiń qanshalyqty mańyzdy ekenin umytyp ketip jatamyz. Bizdiń otbasymyzda jaqsy dástúr bar - ár jeksenbini bárimiz birge ótkizemiz. Osy kúndi asyǵa kútemiz. Sol sebepten, biz úshin jeksenbi - kishkentai meiram, otbasylyq mereke kúni.
Sizderdiń de úide dombyra úni shyrqalyp, balalar asyr sap oinap, ata-anańyz olardyń qylyqtaryna toimai otyra bersin! Otbasymyz aman bolsyn!", – dep jazdy ol.
