Foto: bronntravel.com.ua
«Týristik Qamqor» korporativtik qory Taiaý Shyǵystaǵy shielenisken jaǵdaiǵa bailanysty qazaqstandyq týristerdiń qaýipsizdigin qamtamasyz etý jóninde túsinik berdi, dep habarlaidy Ult.kz.
«Birqatar elden týristerdi qaitarý qiynǵa soqty. Birikken Arab Ámirlikterinde 2,5 myńnan astam qazaqstandyq qalyp otyr, olardyń bári týrkodpen tirkelgen. Bul adamdar qonaqúilerge ornalastyryldy, eshkim dalada qalǵan joq», – dedi «Týristik Qamqor» korporativtik qorynyń direktory Asylhan Esilov.
Onyń málimetinshe, Saýd Arabiiasynda 200-den astam týrist saparda, bári qonaqúilerde qaýipsizdikte.
«Qatarda 1 myńnan astam týrist tirkelgen. Týrkodpen barǵandar úshin qolaily jaǵdai jasalǵan jáne olardyń jaǵdaiy turaqty baqylaýda», – dedi Asylhan Esilov.
Sonymen qatar ol áýe kompaniialary óz mindettemelerin oryndaýǵa daiyn ekenin, biraq áýe qatynasyndaǵy táýekelder áli de bar ekenin atap ótti.
«Týristik Qamqor» dereginshe, týrkodpen saparlaǵan týrister qonaqúimen qamtamasyz etiledi, al jeke kúshimen barǵandarǵa bul jeńildikter qarastyrylmaǵan.
Esterińizge sala keteiik, AQSh pen Izraildiń Iranǵa jasaǵan shabýyldary Taiaý Shyǵys elderinde jáne odan tys aimaqtardaǵy áýe qatynasyn qiyndatqan edi.
